عذاب انثى

طفلة صغيرة ولون اسمر

سبيبة راس بدت تظهر

جاهلة صغيرة بدت تحبى

بتاكل الطين

تقول ابا

تقول اما

تدعك طرف عينها وكت النوم

بعد تحبى

كبرت حبة من تانى

بقت تلعب مع الاولاد

شليل وينو ختفو الدودو

مع العصرية فى الشارع

وكانت ليها احلى طفولة

وكت قالت خلاص نلعب عروس وعريس

بقت الطفلة تتجهز

وجات فرحانة

من الشارع عشان هى بت

جمال انثى

جمالا فريد

تسلم ديما للجيران

تمد الايد

ودخلت للمدرسة

للكتاب والمدرسة

ا الف تا تفاح ثاثور

وهى تردد

بابنت هنا الخط انقطع بين البنية اليادابا قايمة

وبين المدرسة

با بنت

وا ولد

بابنت

وا ولد

يابت اكتبى

با بنت

ولد
بت
ولد
بنت

تارنها

وصلت حد الوقوف من اللعب

وفى لحظة بس جاها التعب

جاها الابو

مع العصير

وين ياسمر

ماشة البحر

مافيش بحر

فى اللحظة دى لون احمر

غطى السحاب

وجانا المطر

اتوحشت لون المطر

عشقت ولد

فى لحظة والجو عكر

غمضت عيون

لحظة سفر

خافت شديد تجر هنا وتخجل هناك

مااللحظة كانت لحظة صفاء

ولحظة صبر

جات البنية على الاهل

انفاس ولد فى جوة بت

وشم ابيض تحت خد البنية

بياض العين الماشافت كحل

والبت صغيرة على الكحل

بس................

جانا الميعاد

وانقطع الوتر

اتلمو ناس الحلة

شراب الشاى

وونسة من الصباح لى حد الفجر

ومسكينة ست الناس

الشامة البضاء

راحت

وعانت شديد من الميعاد ياريت

لو ماوصل

قالت تهاجر

تفتش لى مدن تانى

حتى المطار مابى السفر

وعاشت فى زمن تانى

بتحكى فى حكاوى النيل

حكاوى الليل

وكت تلعب مع الاطفال

بقت تانى للتاريخ

اسم تانى

وكانت سمر

تسلمى ياست الكل وحضورك ديما يسعدنى